जिम्मेवार निकायमा बसेर फ्रन्टलाईनमा काम गर्नुपर्नेहरु यसरी नै संक्रमति हुन थालेपछि हामीले थप कस्ता सावधानी अपनाउनु पर्ला ? त्यसैले कोरोनाविस्द्धको युद्धमा हामी प्रत्येकको के भुमिका हुन्छ ? हामी अझै पनि कतिपय ठाँउमा मास्क समेत नलगाउने तथा न्युनतम दुरी समेत कायम नगरी जोखिम निम्त्याइरहेको तथा स्वयं महामारी फैलाउने भुमिकामा सरिक भइरहेको देख्छौं । अहिले महामारी रोकथाममा राज्यका निकायदेखि तपाईंहामीले अपनाउनुपर्ने सावधानी के के हुन ? तीन तहको शासकीय संरचना भएपनि महामारीका बेला हामीले तीनलाई किन प्रभावकारी बनाउन सकिरहेका छैनौ ?
यस्तै प्रश्नको जवाफ खोज्न आजको संवादमा मसंग धेरै ठूलो जनघनत्व भएका काठमाडौ महानगरपालिकाकी उपमेयर हरिप्रभा खड्गी, भक्तपुर नगरपालिकाका मेयर सुनिल प्रजापति, दमक नगरपालिकाका उपमेयर गीता अधिकारी हुनुहुन्छ । त्यस्तै शुरुदेखि नै कोरोनाका उपचार गर्दै आएको शुक्रराज ट्रोपिकल तथा सरुवा रोग अस्पतालका निर्देशक डा. सागर राजभण्डारी र स्थानीय शासनसम्बन्धि विज्ञ पूर्व सचिव डा पूर्णचन्द्र भट्टराई पनि आजको संवादमा हुनुहुनेछ ।