शिक्षा जति गुणस्तरीय भयो, त्यसबाट उत्पादन हुने जनशक्ति त्यति नै समक्ष हुन्छ । तर नेपालमा बर्षौदेखि गुणस्तरीय शिक्षाको बहस चलिरहेको भएपनि त्यस अनुसार शिक्षामा सुधार भएको छैन । नेपालको शिक्षामा विश्वास नगरेर बर्षेनी ५० हजार भन्दा बढी विद्यार्थी विदेश पढ्न जान्छन् । र उनीहरुसँगै बर्षेनी झण्डै एक खर्ब पैसा विदेशिन्छ ।
शिक्षा क्षेत्रमा समेत चरम राजनीति छ । विद्यालय व्यवस्थापन समितिको अध्यक्षदेखि विश्वविद्यालयको उपकुलपति बन्नका लागि समेत राजनीतिक झिनाझपटी चल्छ ।
नेपालको संविधानले शिक्षालाई मौलिक हकको रुपमा राखेको छ । तर व्यवहारमा गुणतस्तरीय शिक्षा पाउन सक्ने वातावरण छ त ? संघीय प्रणाली अपनाएपछि शैक्षिक क्षेत्रमा के सुधार आयो ? हरेक बर्ष उच्च शिक्षाका लागि विदेशिने क्रम किन बढीरहेको छ ? हाम्रा विश्वविद्यालयमा उपकुलपति नियुक्ति प्रक्रियामा कस्तो राजनीति हुने गरेको छ ? विश्वविद्यालयकहरुमा कस्ता विकृति र विसंगती छन् ? यिनै बिषयमा कुरा गर्न आज मसंग हुनुहुन्छ त्रिभूवन विश्वविद्यालयमा झण्डै साढे तीन दशक अध्यापन गर्नुभएका र समावेशी शिक्षामा विद्यावारिधी गर्नुभएका प्राध्यापक डा. बासुदेव काफ्ले ।