आज मसँग दुई जना विशेष अतिथि हुनुहुन्छ, हरि बुढा मगर र विनोद बुढाथोकी ।
११ वर्षको कलिलो उमेरमा विहे गर्नुभएका मगर सन् १९९९ जनवारीमा ब्रिटिश आर्मीमा भर्ना हुनुभयो । मगरको जीवनमा त्यतिबेला बज्रपात पर्र्यो, जतिबेला उहाँले अफगानिस्तान युद्धमा बम विस्फोटमा परेर आफ्नो दुबै खुट्टा गुमाउनु पर्र्यो । अहिले तिनै हरि सगरमाथा चड्ने कठोर तयारीमा हुनुहुन्छ ।
दुवै गोडा नभएका हरिले यसबीच संसारका कैयन अग्ला अप्ठ्यारा शिखर उक्लिनु मात्र भएन, जेनेभासम्म पुगेर उहाँको जस्तो अपांगता भएकाहरुलाई सगरमाथाको चुचुरोसम्म पुग्न नपाउने नियमलाई नै खारेज गर्न चुनौति दिनुभयो र आरोहणको अनुमति प्राप्त गर्नुभयो ।
अनि विनोद बुढाथोकी । बेलायती सेनाका पुर्व राइफलम्यान । २०१७ को ब्रिटिस ओपन एयरगन च्याम्पियनसिपमा द्धितिय र २०१८को सोहि प्रतियोगितामा प्रथम । विनोदले क्रोयसियामा २०१७ मा सम्पन्न पहिलो अन्तराष्ट्रिय सुटिंग च्याम्पियनसिप र २०१६ को रियो प्यारालम्पिक खेलमा समेत प्रतिस्पर्धा गर्नुभएको छ ।