बिगत ४० बर्षसम्म जसले कुनै बिकल्प खोजेनन्, संघर्षका सिँगौरीहरु माथमा थेगेर बसे तर पेशाको मर्यादा त्यागेनन्। नेपालका कुनाकाप्चामात्र होइन बरु बिश्वका हरेक शहरमा भेटिन्छन जसका शिष्य । रहरमात्र गरे पुग्छ, समृद्धि दिलाउने हरेक पद पस्किन तयार छन् जसका प्रशंसक। उनको नाममा ज्ञानीको कुनै आभुषण झुण्डिएको पनि छैन। एक 'टिचर' जो साधारण देखिन्छन तर उनीभित्रको त्याग र पेशागत इमानदारीताको कदर नगरे सायद गुरु पूर्णिमा नै अधुरो र अपुरो हुनेछ।