Il-punti ewlenin: Ilbieraħ, il-Parlament approva n-nomina ta’ Ursula von der Leyen bħala President tal-Kummissjoni Ewropea għat-tieni mandat ta’ ħames snin; nhar l-Erbgħa, il-Membri tal-PE approvaw il-proposta dwar in-numru ta’ membri fl-għoxrin kumitat permanenti speċjalizzat u fl-erba’ sottokumitati tal-Parlament, kif ukoll fit-tmienja u erbgħin delegazzjoni permanenti tiegħu; il-laqgħat kostituttivi tal-kumitati permanenti u s-sottokumitati tal-Parlament Ewropew se jsiru fi Brussell nhar it-Tlieta.