Wann een*t wäit fort vun där Persoun wunnt, déi een*t gären huet, kann dat zimmlech ustrengend sinn. D‘Anne an de Joël schwätzen iwwert Fernbezéiungen um aneren Enn vum Planéit an zu Lëtzebuerg, iwwert Sex op Distanz, Kommunikatioun an temporär gemeinsam Welten. Wat dat ganzt mam Klimawandel ze dinn huet, gitt dir och gewuer.

An der Rubrik dës kéier: Eng gutt Fro – Wat ass de Sex Drive? Männer wëllen ëmmer a Fraen hunn ni Loscht? Wat dreift eis, a wat bremst eis? Wat dréit alles zu eisem sexuelle Verlaange bäi, a wat beaflosst et?